要求加建議助浴室
飯盒會班泛民代表認為，議員應該遵守立法會嘅規矩外，亦唔可以阻住保安員執法，暗批Gary趕走保安員嘅行為唔啱。不過，班泛民代表就覺得立法會依家只得兩個沖涼房唔係好夠用，提出向行管會建議增加沖涼房數量，仲話最好喺每層樓加建一個議員助理專用沖涼房，就算做唔到，最低限度都要喺地下整番一至兩個沖涼房喎。
現時議員專用沖涼房嘅使用率已經好低，Gary就以呢個理由為自己違規開脫，但泛民依家仲建議起多幾個沖涼房畀啲議員助理得閒去沖涼，莫非納稅人啲錢真係多到用唔晒？加上部分泛民議員助理同時亦係示威者，將來能否確保助理唔會帶街外人入去沖涼呢？否則只會令立法會變成無掩雞籠，兼夾成為公共浴場。