天台狂僭建 屋署唔正視
天台僭建長揭長有，屋宇署卻稱「沒有明顯危險」疑淡化事件！「一塊又一塊鐵皮咁疊埋一齊，又甩又生銹，隨時飛落街！」旺角居民陳先生不滿通菜街有大廈天台僭建大量鐵皮屋，密集程度令人咋舌，擔心僭建物日久失修，容易飛脫墮下壓傷途人。
竟稱無明顯危險
屋宇署發言人證實上址天台有僭建物，屬優先取締類別，但未有明顯危險。發言人續說，將按程序向有關業主發出清拆令，要求盡早自行安排清拆有關僭建物，並重申倘業主未能在限期內遵循清拆令、又無合理辯解即屬犯罪，會按《建築物條例》規定提出檢控。
「除咗途人危險，其實咁密集嘅鐵皮屋，住喺入面嘅人仲危險！」陳先生要求當局正視僭建物的潛在危險，以保障市民生命安全。