政情：今日你上鏡：周沁生日P姊妹大玩懷舊Look

香港青年聯會賢慧社主席周沁（Dorothy）年年生日都搞化裝舞會，以前扮過中學生，大玩制服派對。今年初因為受到一套熱賣嘅荷里活電影啟發，Dorothy於是約埋一班姊妹齊齊玩懷舊復古，返到佢哋未出世嘅上世紀二十年代。當日Dorothy戴上羽毛禮帽，換上貼身嘅極短連身裙，昔日嘅名媛風韻即時顯現。當日另一名女主角係Dorothy好友馬善恒，事關佢哋生日只差兩日，所以兩位靚女一於合辦化裝舞會，開開心心過生日。