平台大僭建 屋署執法慢
「僭建出嚟面積大到裝成三部冷氣、兩道鐵閘，仲要喺正平台，求其抬頭都望到啦，屋宇署有咩可能會睇唔到呢度有僭建？」馮先生發現旺角砵蘭街有大廈平台出現大規模僭建，擔心損及樓宇結構，不滿屋宇署處事緩慢，罔顧樓宇安全。
限期未拆 久無跟進
屋宇署發言人承認，曾分別於去年五月及今年三月發出清拆令，由於有關業主在限期後仍未拆除僭建物，該署將按《建築物條例》作出檢控。發言人續稱，違反條例者一經定罪，可被判罰款二十萬元及監禁一年。
「原來舊年同今年年頭已經出清拆令，如果唔係同《東方》投訴，都唔知會再拖到幾時先做檢控，屋宇署做嘢咁官僚，畀着我係業主都唔會理你啦﹗」馮先生要求屋宇署加強跟進以落實執法，免令清拆令淪為紙上談兵的工具。