渣打馬拉松賽事係唔少體育好手挑戰身手嘅好時機。不過，立法會嘅「馬拉松常客」、街工梁耀忠（阿忠）今年就要無奈暫別全馬賽事。阿忠跑足十幾年馬拉松，正當大家以為佢今年會如常披甲上陣，佢早兩日就喺社交網站透露自已腳踭生骨刺，為免跑步令傷勢急劇惡化，佢經過深思熟慮後決定停跑一年，希望下屆可以重新參與。
來屆渣馬將會喺明年二月舉行，過來人阿忠就奉勸大家跑步前後要做足熱身，否則會出現好多小毛病，又話自己大脾肌肉曾經出現疼痛，主要都係因為無做足熱身就走去跑所致。