政情：扶助時裝設計師 馮少雲唔收租
香港地，租金人工貴，時裝設計師縱有才華，要開舖打響自家品牌唔容易。東華總理馮少雲（Stella）近日打造「零租金開舖」平台，免費租出舖面，助華人設計師展示時裝新作，又為新人搞時裝騷，助他們衝出香港，展翅高飛。
Stella喺銀行界逾廿年，仲坐擁數間中醫館及多個物業，佢今年初決定投資數千萬元，將貪靚嘅興趣化成一盤助人的生意，月前先後喺中環及銅鑼灣開時裝店，專賣港產及華人設計師的精心傑作。
兩間舖合共逾二千呎，Stella唔收租，找來首席時裝設計師楊顏蔚（Moon）及十位來自中大、理大及外國時裝設計系畢業生合作，專營女裝及首飾。Stella堅信，香港有唔少優秀設計師，只是藝術家大多不懂營商、包裝，產品難遠銷海外，佢任職投資銀行多年，擅長包裝及推廣，正好彌補設計師不足。自從開時裝店後，還有一好處，Stella一年唔使出街買衫，依家只穿自家品牌，保證唔會同人撞衫。