資訊科技界立法會議員莫乃光（Charles）尋日喺內務委員會提出引用《立法會（權力及特權）條例》，要求政府交出行政會議有關審批免費電視牌照申請嘅所有資料，但建制派議員就以衝擊行會保密制為由拒絕支持動議。Charles喺投票前幾分鐘忽然修改動議措詞，表明要索取嘅文件唔包括行會紀錄同商業機密文件，點知隨即被工業界議員林大輝寸爆話：「行會文件唔拎，機密文件唔拎，咁拎咩呀？拎人哋開會時剔飲奶茶咖啡嗰張紙呀？」
