渡海濠情：胡亂花費 情侶閉翳
日本有個調查，選出夫妻間十大最討厭嘅生活習慣，而高據第一位，佔58%嘅就係胡亂花費，有時另一半亂花錢真係幾激氣，好似嚟自凱旋桑拿嘅小雪，話之前佢男朋友就係亂咁花錢而畀佢一腳踢走！
只買唔用
小雪話：「好多朋友都話我好過分，但我唔覺得囉！今日就攞出嚟等大家評吓理，我個前男友係個富二代，屋企大把錢，自己就喺阿媽間公司打工，所以收入穩定，身家豐厚，仲對我十分之專一，我舊年生日就送過十幾卡嘅鑽石戒指畀我，名牌手錶手袋更係不計其數，但佢有一個唔好嘅習慣，就係喜歡買埋好多唔等使嘅嘢，只要上購物網站，總會買一萬幾千蚊嘢，數目好似好細，但一個月落嚟足足花咗十幾萬，最可惡買番嚟嘅嘢用都唔用，放咗幾年之後，就丟晒佢去垃圾站！」
疲於奔命
佢有鋪咁嘅癮，你冇幫吓佢咩？小雪話：「有呀！我知道佢一冇嘢做就會上網，於是我晚晚安排好多事畀佢做，甚至犧牲埋色相，佢一得閒我就作出愛的奉獻，搞到佢疲於奔命，一完事就抱頭大睡，以為佢會戒咗鋪癮，點知佢瞓到半夜又去上網，真係畀佢激死，但最激氣就係，我同佢講你咁鍾意買嘢，不如買啲我鍾意嘅嘢！點知佢話平時仲買唔夠咩，仲買？你話一聽係咪火都嚟埋，最後咪同佢分手囉！」
小雪Profile
年齡：21歲
三圍：34-23-34
撰文：小德 攝影：阿生