政府熱線1823「打極冇人聽」，市民直斥「有等於無」！黃先生早前致電政府熱線1823，擬查詢部門聯絡電話，結果「打咗幾個鐘」均線路繁忙、無人接聽，「等咗好耐都冇人聽，政府有咩可能冇足夠人手聽市民電話！」黃不滿熱線形同虛設，未能為市民服務。
效率促進組發言人解釋，由於1823近日來電量較高，在繁忙時間來電的等候時間較長，1823會檢討人手安排及工作流程，以應付服務需求。發言人又稱，1823由今年一月至九月期間共接獲逾四百六十宗有關電話線路繁忙的投訴，如市民來電時遇上線路繁忙，可選擇留言。
「又會咁啱嗰幾日先多人打（1823）？分明係講大話敷衍市民！」黃先生坦言對當局的回覆深表不滿，要求嚴肅檢討及改善官僚作風，急市民所急。