雜物霸街 食署無視
行人路放滿雜物，食環署職員竟「掂行掂過」！「呢度附近係街市，所以間唔中都會見有人擺貨喺街邊，但呢排真係愈嚟愈過分，堆到成個人咁高，仲要擺足成日，阻住晒條路！」湯先生指出，旺角奶路臣街垃圾收集站對出通道已淪為貨倉多時，雖經常見有食環署職員在附近「站崗」，卻從未見職員執法，質疑部門縱容阻街行為。
市民不滿執法懶閒
食物環境衞生署發言人稱，去年至今並無有相關投訴紀錄，接獲本報轉介後曾派員巡查，發現有雜物妨礙清潔街道工作，遂張貼《移走障礙物通知書》，要求物主於指定時間內移走雜物，而其後大部分雜物已被物主移走，潔淨服務承辦商亦已清理餘下雜物。
「係咪即係唔投訴就唔使做嘢？我哋都係見啲貨阻街阻到好誇張、阻到行唔到先投訴，唔等於食環署平時唔使自動自覺做嘢！」湯先生不滿當局執法被動，要求食環署嚴厲執法，保持道路安全整潔。