外出送貨工人逃過大難
【本報訊】「當時聽到『砰！』的一聲巨響，屋企牆身猛咁震，連大門都震到打開，好似『原子彈』爆炸咁犀利！依家諗番起都仲驚到震呀！」豆品廠發生的驚天大爆炸，附近不少居民都被巨響險嚇破膽，憶起仍猶有餘悸。而數名工人恰離廠往送豆品，僥倖逃過大難，否則同陷巨爆現場，死傷者可能不只五人。
嚇煞居民：以為核爆
居於現場一百多米外村屋的姓周女村民稱，當時在家中被「砰」的一聲巨響嚇到跳起，牆身亦猛烈震動，沒有鎖上的大門被震至打開，巨響和震動有如原子彈爆炸，她立即跑出屋察看，赫見樹上掛着一些鐵皮碎片，現場豆品廠上空冒出「磨菇雲」黑白混雜煙霧，才驚覺發生大件事，「我跑去豆品廠睇吓，見到幾個傷者走出嚟，其中一個由人孭出嚟，有一人肩膀流血，傷勢好厲害。我第一次見到咁嘅爆炸場面，真係好驚。」
另一名姓李男鄰居則表示，事發時他在距豆品廠約一百米一個以貨櫃箱改成的辦公室內，被爆炸聲巨響和震動，嚇得立即蹲下，雙手保護身體和頭部，「我當時以為發生地震，梗係第一時間踎低啦，當聽到出面平靜番，再冇爆炸聲傳來，先夠膽走出去，睇下發生咩事。」