雜物後巷阻街 食署無檢控
雜物長期亂放，令後巷淪為雜物貨倉！旺角奶路臣街一帶商販佔用後巷情況嚴重，造成嚴重阻塞，鍾先生曾就阻街問題向食環署反映，不滿該署執法「唔踢唔郁」，令違規者有恃無恐，「啲雜物愈擺愈多，堆到高過人，仲整到成地污水，搞到條後巷污糟邋遢，想行都行唔到！」
食物環境衞生署發言人指出，接獲本報轉介後曾派員巡查，發現上址後巷放有雜物並妨礙清掃工作，遂於雜物上張貼《移走障礙物通知書》，要求物主於指定時間內把雜物移走。發言人強調，覆查時發現大部分雜物已被移走，該署潔淨服務承辦商已清理餘下雜物及徹底清洗。
根據該署紀錄，由去年一月至今共接獲八宗相關投訴，惟並無提供檢控數字。「咁係咪即係冇檢控過？唔怪得啲人無法無天，想點就點啦！」鍾先生要求食環署加強執法，還市民一條整潔後巷。