特首梁振英（CY）前日起離港休假十一日，但行政會議尋日照常復會，由擔任署理特首嘅政務司司長林鄭月娥主持會議。林鄭喺開會前主動會見傳媒，大談佢會喺嚟緊幾日主持回收業可持續發展督導委員會及扶貧委員會兩個重要會議，並會訂出香港史上首條貧窮線。問及CY落區引發涉黑衝突，以及就教師林慧思爆粗事件發表嘅言論被指撕裂社會，林鄭一方面話香港有言論自由，無公開力撐CY言論。另一方面佢又提到自己早前亦有落屯門區，好似講緊佢落區就唔會出事咁，認真風騷！
