不論男女都怕畀人話佢哋濫，搞到乜嘢形象都冇晒，而澳門十八桑拿嘅瑤瑤亦怕畀人話佢「腩」，只係此腩非彼濫，而係驚畀人話見到佢有肚腩。事關瑤瑤好重視自己嘅體態，日日夜夜勤做運動，為咗唔想凸出肚腩咁肉酸。
女人一聽到肚腩兩個字就大叫怕怕，事關係女人都想擁有玲瓏浮凸嘅身材，若然凸出嘅卻係肚腩嘅話，不但着乜都唔好睇，仲要畀人哋笑到面黃添！瑤瑤相當同意呢個講法，佢表示：「須知道肚腩真係好肉酸，皆因佢唔似得大髀同小腿等嘅部位，可以用服裝嚟遮住。如果想用衫嚟遮住肚腩唔係唔得，只係着出嚟好似大肚婆咁，你話係咪好難睇先？」屢次用肉酸同難睇嚟形容凸腩，睇嚟瑤瑤真係好驚有肚腩。瑤瑤點頭話：「因為我哋嘅生活食唔定時之餘，又經常食消夜，肚腩好易現形，真係好驚會同佢扯上關係。」
瑤瑤為咗唔想有肚腩，每日都會抽出一定嘅時間嚟做運動，而事實上真係保持到玲瓏浮凸嘅身材，睇嚟佢付出唔少汗水。瑤瑤笑道：「真係花咗好多心機，先至可以保持到前凸後趷嘅身段。」既然瑤瑤咁討厭肚腩，唔知佢又係咪好抗拒有肚腩嘅男士呢？點知瑤瑤竟然擰頭話唔係：「我唔單止唔會抗拒，反而好鍾意有肚腩嘅男士添！」原來瑤瑤覺得有肚腩嘅男士好有安全感，尤其係攬住對方，更係好似攬住隻熊公仔咁舒服，難怪瑤瑤透露，佢以前嘅男友個個都有個大肚腩。瑤瑤果然對肚腩又愛又恨呀！
身高：5呎3吋
三圍：34、24、34
撰文：魂
攝影：德