中環出更：梁寶珠母女「慢」遊緬甸
緬甸係繼內地之後，港商熱門嘅開廠地方。保良局前主席梁寶珠二十年前赤手空拳去當地開廠，成功建立三間製衣廠，佢千金林玉茵（Maya）都視緬甸為第二個家，可惜每次到訪僅僅夠時間巡視廠房，直至日前佢同好友遊仰光三日，才首次有機會遊覽二千多年歷史嘅仰光大金塔，金光閃閃，嘆為觀止。
參觀大金塔
大金塔嘅塔身金碧輝煌，陽光照射塔上，反射出萬道金光。Maya話，每次到訪仰光都係來去匆匆，今次多得朋友拉佢去玩，否則唔知仰光原來咁靚。喺大金塔嘅東南角，仲有一棵著名菩提樹，聽聞係由佛祖釋迦牟尼金剛寶座旁的聖樹苗移植過去，非常神聖，Maya把握機會同媽咪影相留念（圖）。
參觀完名勝，廚藝了得嘅Maya仲帶隊行菜市場，睇見雞竹菇好新鮮，即時掃咗一大袋，然後搵間餐廳以打邊爐方式煮嚟吃，入口超甜。
卓妮