空手入白刃 勇司機救28命
廠巴司機勇救全車廿八條人命！疑犯向女同事「開刀」圖同歸於盡，幸司機在千鈞一髮之際停車開門，先讓乘客逃難，又不顧自身安危，手無寸鐵下與另一名男工友奮勇制服持刀狂漢。英勇司機事後被封為英雄，但他也未敢邀功，謙稱：「千祈唔好咁講，我都係想幫吓手啫。」有工友憶述「驚歷」仍心有餘悸，形容當時車廂內殺聲此起彼落，有男工友講述事件時更眼泛淚光，有女傷者甚至被嚇至情緒崩潰，在醫院需見心理醫生。
英勇救人的姓吳司機，為外判汽車公司員工，每星期都會有兩至三日駕駛該廠巴接載生果廠員工，每次開車時都會見到疑犯，故對他頗有印象，但從來無打招呼。吳憶述稱：「我當時開車五至六分鐘，聽到後面好嘈，我望吓倒後鏡仲以為係打交，之後先見到有人斬人，我即刻停車喺路邊，打開門放走啲工友，之後同另外一個男工友合力撳低佢喺走廊位，佢當時都有反抗，仲咬傷我隻右手。」
工友餘悸 初以為揮報紙
未曾學過功夫的吳坦言當時「未驚過」，但謙稱自己不是英雄：「當時我淨係想撳低佢，之後警察好快就嚟到！」
被血染的廠巴一片凌亂，扶手及座位均血漬斑斑，地上布滿染血的紙巾及雜物。目擊事發經過的工友形容，逃出車廂後恍如隔世，憶述當時殺聲震天，車廂內一片混亂，至今仍歷歷在目。「我嗰陣仲以為佢揸住報紙打人，點知原來係把刀！」有女工對疑犯狂斬一事感到錯愕：「我哋係唔同部門，但佢平時冇咩野。」坐在廠巴後排的男工友談及事件時一度眼泛淚光，表現無奈。他表示，當時他上車後就看報紙，初時未有察覺周遭事物，直至其後驚聞尖叫聲，始抬頭目睹疑犯正斬人，但他坦言當時毫無懼色：「我都唔驚，佢只係針對部分人，唔係個個都斬！」又表示他與疑犯共事五、六年，估計他與部分工友結怨才斬人。
創傷後遺 急症室內輔導
有受驚送院的女工事後受訪時坦言，與疑犯一起共事，但過去沒有甚麼接觸，案發時她坐在前排，故對背後所發生的事不太清楚，經治療後現已出院。驚魂未定的她不願再憶起當時恐怖斬人的一幕：「我唔知呀……我有啲亂……唔係好想講。」另外，有多名傷者事後情緒大受困擾，懷疑是驚慌過度，在急症室觀察期間，需要接受心理醫生輔導以平復情緒。