鐵皮屋懸空僭建 牙煙
本港各區僭建物觸目皆是，屋宇署被轟執法不力！居於北角的何先生表示，英皇道有大廈平台疑有僭建物，鐵皮屋頂更伸出半空，對途人安全構成威脅，「咁大塊鐵皮喺頭頂凸咗出嚟，見到都牙煙，依家係打風季節，都唔知會唔會吹落街整到人！」何不滿屋宇署無視僭建問題，變相縱容違規。
屋宇署發言人證實，於○八年已發現上址大廈二樓平台有若干僭建物，並屬須優先取締類別，已於同年三月向單位業主發出清拆令。發言人續說，該署職員最近再度視察，發現僭建物仍然存在，遂發信警告其中一個單位業主，並會按《建築物條例》採取檢控行動，至於另一單位則因業權轉變，該署須向新業主發出取代命令，着令清拆有關平台僭建物。
屋署效率差 市民失望
「五年前發現嘅僭建物，到依家都仲未拆，咁發警告信同清拆令嚟做乜？」何先生直言對屋宇署執法效率大感失望，直指當局無力取締僭建物，未能保護市民安全，要求檢討及改善。