美國有個獨居富翁突然飛來艷福，妙齡囡囡上門要求借佢泳池裸泳，富翁無法推卻，為防有詐，佢全程監視，當囡囡盡興離開，富翁返回睡房才知遭人爆格，明顯係美女及同黨所為，嚟自9號會所嘅安娜話呢招真厲害！
安娜話：「首先佢揀啲獨居老人，身邊一個人都冇，二來揀啲有私人泳池嘅，明顯就係非富則貴，有錢嘅孤獨老頭難得有美女上門，早已經心花怒放，仲話要借泳池嚟裸泳，簡直就係天賜良機，相信冇乜嘢人會抗拒，當囡囡全身赤裸，只圍條毛巾去到泳池邊時，可以話怕屋主啲閉路電視影到，會春光乍洩，要求佢熄一熄部錄影機或者保安系統，老頭就差嗰一步，當然第一時間走去熄機，於是拍檔就可以乘虛而入，堂而皇之入屋，順手牽羊。」
但囡囡要畀個全相人睇喎！咁蝕底都制？安娜話：「裸泳有幾咁出奇，我去到海灘有時玩得開心，都會剝晒啲泳衣嚟游水，沙灘咁多人（目及）住都唔怕，區區一個老頭又怕乜嘢喎！」但唔怕個老頭會毛手毛腳或者更進一步咩？安娜話：「佢哋明顯唔係一個人行動，跟手入屋嘅有一個，隨時門口又有一個，若然老頭子太過分，囡囡一叫救命，相信馬上有人會報警，到時屈佢一大筆賠償費都仲可以。」安娜咁都諗到，同佢去游水，都要小心啲至得！
年齡：21歲
三圍：34-23-34
撰文：小德
攝影：阿生