中環出更：李應平朱曦難捨港好友

台灣駐港機構最近出現罕見嘅人事大變動，台北經濟文化辦事處處長朱曦及光華新聞文化中心主任李應平，同時升官調職，朱曦將調派到瑞士日內瓦，出任台灣駐世界貿易組織（WTO）副代表，李應平就升任文化部政務次長，官位僅次於該部部長龍應台。兩人離港在即，最牽掛嘅係乜？佢哋不約而同話，唔係香港嘅美食或迷人夜景，而係一班香港好朋友喎！
朱曦（左三）及李應平（右二）告別香江，羅台秦（右一）與戴澤良（右三）夫婦、孫至誠（左一）及李秀恒（左二）餞別難捨。（余素月攝）
朱曦（左三）及李應平（右二）告別香江，羅台秦（右一）與戴澤良（右三）夫婦、孫至誠（左一）及李秀恒（左二）餞別難捨。（余素月攝）

調職別香江 友設宴餞行

早前一個晚上，仁愛堂副主席羅台秦及其丈夫中華廠商聯合會常董戴澤良，特登喺深水灣遊艇會設宴為朱曦同李應平餞行，座上仲有廠商會副會長李秀恒夫婦、台北貿易中心主任孫至誠等人。朱曦話，雖然佢來港任期僅一年半，但認識好多朋友，友誼最寶貴，所以佢去到日內瓦履新後，一定會搵香港駐WTO代表團聚吓，事關佢都來自香港嘛！

李應平就話，佢未來香港之前，個個都話香港人情淡薄，但係佢認識嘅香港朋友都好和善，樂於助人，呢一點係佢此行最大得着。好多香港人喜歡台灣文化，佢上任後要加倍努力至得喇。

卓妮

第一手消息請下載on.cc東方互動iPhone/iPad/Android/Windows Phone Apps