政情：公民講場：民主阿婆冇句真 係咪有病？

被指為「搞事四人幫」成員之一嘅「民主阿婆」陳方安生，日前出來口噏噏話政務司司長林鄭月娥同特首意見有分歧，而且不被重用，建議林鄭必要時應考慮去留問題。點知林鄭之後急急澄清絕無此事，仲話好耐都無同民主阿婆接觸或見過面，咁究竟呢啲消息，民主阿婆喺邊度聽番嚟嘅呢？民主阿婆尋日遊行時被追問此事，佢就話林鄭從來無向佢訴苦，有關言論純粹係佢個人觀感喎！嘩，咁即係民主阿婆自己憑空想像，將自己想當然，諗嘅嘢當真咁向外發表，唔知佢會唔會去睇吓醫生呢？好似佢前日形容政府採取「親疏有別、敵我分明」嘅態度，但其實佢有口話人無口話自己，否則佢就唔會淨係同壹傳媒肥佬黎行得咁密、每逢有大事發生都密會咁癡纏啦！