渡海濠情：貨不對辦冇得回水
有個19歲嘅福建青年，貪平走去幫襯流鶯，完事後離開咁啱撞正掃黃，雙雙被抓進派出所，呢個時候青年至知提供性服務嘅囡囡原來已經58歲，於是要求回水，嚟自龍會嘅小蓉就話，攞封利是就得，回水就冇可能！
攞定資料
小蓉話：「囡囡提供性服務，客人完事就要支付肉金，呢個係天經地義嘅事，至於之後至發現年紀、樣貌、身材同預期有出入，咁就唔關囡囡嘅事，等於你去買飛睇戲，套戲好唔好睇，同你預期有冇出入，都冇得回水，亦都冇得抵賴！」小蓉又講得幾啱，但對消費者咪冇乜保障？小蓉話：「你可以事前打探定多啲資料至再決定，好似睇戲咁，你可以買飛前睇定影評，咪知套戲好唔好睇囉！」
問清問楚
但搵囡囡冇得事前攞料，又點算呢？小蓉話：「你可以事前問清楚，例如你睇完囡囡個樣，懷疑佢嘅年紀，可以問佢幾多歲，如果懷疑佢隆過胸，又可以問清楚佢有冇整過，如果回覆嘅答案，同事後有出入，咁就係存心欺騙，你可以要求打個折畀你，但不能全數回水，等同你問導演套戲好唔好睇？導演實話好睇，但你話唔好睇都冇得要求導演回水，頂多畀番兩張簽名海報或者爆谷贈券過你嘅道理一樣。」
小蓉Profile
年齡：21歲
三圍：34-23-34
撰文：小德
攝影：阿德