獨居婆婆：幾個月無肉落肚
能否想像在香港這個繁榮社會，竟然有人連魚、肉都買唔起？「一斤豬肉要成三、四十蚊，一個老人家根本買唔起，連魚我都好耐無食過，依家多數食菜咋，有時仲要一餐分幾餐食。」八十三歲的李婆婆是獨居長者，膝下無兒無女，生活孤苦，每月只靠二千八百元綜援過活。
近年面對通脹，李婆婆樣樣都要慳，已經幾個月「無肉落肚」，「有時寧願晏啲先去買餸，會執到啲平價貨，雖然啲嘢無咁新鮮，但至少可以慳番幾蚊。」雖然長者享有乘車優惠，每程只需兩元，但對李婆婆來說仍嫌奢侈，「我連食都唔夠，仲邊有心情去街？」她又認為現時社署對獨居老人支援不足，「成年都無人嚟睇過我哋啲老人家過成點，有咩事都無人知。」
李婆婆雖然年紀老邁，行動緩慢，又患有心臟問題，但她是每年七一遊行的「捧場客」，今年已踏入第十一個年頭，「既然政府做得唔好，我就要企出嚟！只要有日我仲行得走得，我都會出嚟遊行。」