翻閹廢官周一鑊任平機會主席兩個多月，佢聲氣多多，未出任前就大言炎炎話過去十多年教育局對少數族裔嘅工夫做得唔夠完善。好心啦，廢官任內數唔清嘅醫療事故、食品問題，鑊鑊新鮮鑊鑊甘，又唔見佢自己反省吓！
周一鑊，你估你像共產黨咩？歌都有得唱：共產黨像太陽，照到哪裏哪裏亮！你周一鑊只不過像一隻鑊，孭到哪裏哪裏黑！呢呢呢，上任不足三個月，認真要檢討以至合併現存嘅四條反歧視條例，被議員批評進程緩慢，上任呢個「廢官俱樂部」未「百日維新」，又一味大呻平機會「冇錢使」，又重提有意重新招聘已凍結長達十三年、月薪逾十萬嘅行政總裁職位；阿哥，衞生署就一味放有薪假培養大律師或全額學費資助員工讀司法課程，你就要創造高薪職位，連勞工處創造就業嘅職能都撈埋！
平機會喺周一鑊掌任下，睇怕也只能叼着喇叭敲大鼓──自吹自擂！人權組織質疑周一鑊應將資源投放在調查監管、釐定守則等直接與反歧視有關的工作上，而非「翻閹」有關職位，浪費公帑。一個庸官，過往叫市民看到的是活生生的無能，一下子你會希望他脫胎換骨，由一隻黑鑊變成一隻精緻的骨瓷？老朽對周一鑊沒有期望，只知他任內只會是導彈打飛機──空對空！
掌平機會的周一鑊，老朽想起一個笑話，不妨同讀者分享──老爸喝多了問：「閨女啊，有沒有人追你啊？」閨女：「有啊，追我的人太多了，我在挑呢！」老爸笑着說：「我就是喜歡咱們家閨女的性格，沒人追，還能吹！」
孭着黑鑊無事忙的周一鑊，即使去到哪裏黑到哪裏，可他倒是練就厚黑神功，不單會吹，還會震音大唱：忘不了你！一曲既罷，大家都知道我們是活在娛樂至死的年代！凡事不可當真，認真你就笑死！