政情：廢腑之言：政改諮詢時間張志剛講咗？

行政會議成員張志剛尋日深入泛民主派陣地，出席一個通識教育研討會做主講嘉賓。張志剛對本港民主進程唔太悲觀，認為港府一定夠時間做政改諮詢。不過，有人就追問佢知唔知道政府會幾時做政改諮詢，佢就答話，政府點解唔揀喺今年做政改諮詢，相信大家都會估到，唔係今年就係出年，亦都唔會遲得到邊度，政府會有一定嘅諗法喎，真係講咗等於冇講。