三個堆填區擴建問題，將立法會一眾牛鬼蛇神全部現形，除啲保皇中堅分子企硬支持外，好多黨派都態度騎牆。好似建制派譚耀宗到依家都仲話未有投票立場，要再開會商討喎。泛民亦唔好得去邊，梁家傑話好大機會反對將軍澳堆填區，但另外兩個堆填區就有得諗，咁即係點呢？唔通多人鬧要反對，少人鬧就支持？各黨到依家都未講定立場，乜嘢「有條件」、「傾向支持」、「傾向唔支持」，講穿咗就係想睇吓政府畀咩着數佢哋，乘機撈吓政治油水啫！
