政情：朱鎔基憂內地貪腐惡化
近年內地政府官員貪腐情況嚴重，前國務院總理朱鎔基的女兒、中銀香港副總裁朱燕來日前喺本港出席一個招商活動時，亦提及爸爸朱鎔基關注內地貪腐日益惡化，表示「較為擔憂」。
喺呢個工商界雲集嘅場合上，朱燕來話，對內地反貪腐情況，佢同爸爸並冇傾得好深入，但佢話爸爸同好多人一樣，對目前內地貪腐情勢較為擔憂，而反腐方向是對的，但如何更有效，尚「有待探討」。朱鎔基在任時被問到希望人民認為佢係一個點樣嘅總理，佢話「我自己所做的工作是有限的。我只希望在我卸任以後，全國人民能說一句，我朱鎔基是一個清官，不是貪官，我就很滿意了。」
貪曾話做清官 得啖笑
貪盡海陸空嘅貪曾前特首曾蔭權爵士上任前一日接受電視台訪問時，亦曾東施效顰講過類似言論。當時貪曾被問及他日離開政府時，最希望市民如何送別佢，貪曾忽然朱鎔基「上身」話，「我希望佢哋（市民）講，佢（貪曾）係個清官」。回首一看，貪曾唔單止做唔到清官，仲成為香港第一貪官，認真諷刺，簡直係得啖笑。