被翻閹做平等機會委員會主席嘅周一嶽，尋日去立法會政制事務委員會向議員簡報平機會情況，佢上任大約兩個月，就大呻平機會冇錢使，話要政府泵水，但一方面又主意多多，話要重新考慮招聘行政總裁，又話要幫平機會進行內部架構檢討同重組。有議員問佢會唔會加入行政會議，佢懶偉大咁話自己入咗平機會都斷晒六親啦，唔會入行會嘞。入行會唔係入會打麻雀，唔係佢想加入就得，其實佢何德何能入行會呢？好心佢唔好咁自大啦。
