渡海濠情：堅拒僭建 崇尚自然

阻力重重

阿Hao話：「細細個開始，我就畀人叫做『長平公主』，事關我胸部唔夠大，屬『微波』一族，原先打算一搵到錢，就去搵整形醫生有咁大整咁大，後嚟遇到個巨乳姊妹，佢勸我千祈咪制，話整大個胸之後，生活就會有好大麻煩，例如搬嘢抬嘢時發力嘅動作會唔同晒，行路跑步嘅速度又會唔同晒，連講嘢吹水嘅呼吸頻率都唔同晒，總之麻煩多多，我起初唔信，佢叫我孭兩個大水袋試吓，果然做乜都唔順，硬係阻力重重咁，令人煩到死！」

打消念頭

自此之後就打消隆胸嘅念頭？阿Hao話：「都未o架！邊有女仔唔想又大又挺吖？」咁最後呢？阿Hao話：「咪係我啲男朋友囉！竟然冇一個支持我『僭建』，仲話保持自然美最好，第一個同我講嘅，我即刻同佢分手添，點知之後第二、第三、第四個都一樣反對，所以為咗男友咪放棄囉！真係唔明白，男人唔係喜歡愈大愈好咩？」阿Hao樣子清純，整個「假大胸」出嚟，就會失晒真，所以我都支持佢男朋友們嘅決定。

Hao Profile

年齡：20歲

三圍：34-23-34

撰文：小德

攝影：阿文