政情：八網難逃：「梁國雄」揸的士講唔停

雖然此「梁國雄」同社民連立法會嘅梁國雄（長毛）絕對係兩個唔同嘅人，但司徒夾帶話，可以坐到「梁國雄」所揸嘅的士，感到非常榮幸，又話自己仲因此而畀多兩蚊貼士。不過，司徒夾帶話嗰位「梁國雄」司機都犯上其他的士司機嘅通病，就係一開口就滔滔不絕，所以自己就想學立法會主席曾鈺成咁叫「梁國雄議員」立即停止發言。有網民就覺得司徒夾帶「抽水」抽得太盡，掉返轉頭叫「梁國雄」用司機嘅特權法趕佢落車喎。