渡海濠情：女球迷失落 寄情床上樂

萬人迷躉

講到睇波，咪以為係男士嘅專利，查實有唔少靚女都鍾意，當然，當中有唔少係為咗睇靚仔球員，而小雅就係其中一個。小雅不諱言指之所以鍾意睇波，唔係為咗睇入球，亦唔係為咗睇戰術，而係因為鍾意碧咸先至睇波咁話。小雅笑道：「其實唔單止係我，好多姊妹都鍾意佢o架！事關佢靚仔又有型，最重要係對老婆專一。雖然佢當年結婚時，曾經令我有段時間唔鍾意佢，但過咗一段時間，發覺佢居然可以對愛情咁專一，唔似得其他球星咁，有錢又有名氣後就會周圍滾，呢啲咁好嘅男人令我更加鍾意佢。」

專心床戰

作為碧咸嘅球迷，小雅一講起佢嘅威水史即刻滔滔不絕，從佢95年幫曼聯首次披甲上陣，一直到佢其後轉會到皇馬，及後到美國等地方發展，佢都如數家珍，果然係萬人迷嘅忠實粉絲。不過，家陣萬人迷話掛靴，咁唔知小雅會唔會轉投其他球星嘅懷抱呢？小雅明言指唔會：「我覺得冇一個球星能夠好似佢咁有星味。好老實講，佢掛靴後相信我唔會再睇波。話個秘密你知，有段時間萬人迷外借到AC米蘭作賽，有晚正播緊AC米蘭嘅比賽，男友話想曳曳，我一於少理睇波要緊。只係從佢退役嘅一刻起，我決定唔再睇波，只好專心打床上友誼波喇！」睇嚟萬人迷收山，對小雅嚟講真係幾大嘅打擊。

小雅小檔案：　　

身高：5呎4吋

三圍：34、24、34

撰文：魂

攝影：德