廉政公署四十年嘅金漆招牌，被「貪湯」湯顯明一夜打爛晒，令廉署公信力跌至新低點。湯顯明日前到立法會帳目委員會作供時，講到唔少開支都屬於灰色地帶，不過佢好坦白，話審計署不贊同，就唔敢開數。廉潔係香港嘅核心價值，作為廉政專員，開支標準竟然係過得到審計就過骨，所以佢將酒價同早餐費都亂咁攝，務求過得到審計嗰關。「貪曾」前特首曾蔭權爵士同前廉政專員都係一樣，喺灰色地帶鑽空子，香港真係想唔死都好難！
