Party Life：內外兼備

愛拚才會贏嘅「潮州冷」，凝聚力非同小可。雲集「潮人」嘅香港汕頭商會，眨眼六十七歲生日。日前喺會展筵開七十圍舉行會董就職禮，順便慶生辰。潮人宴上，齊講「潮語」，歎新派潮菜，夠晒「潮」。

香港女仔，講求內在美。着內衣，都要優雅大方。一個獲英女王寵愛嘅內衣品牌，新店喺中環隆重開幕，請來女王御用嘅內衣形象顧問，拆解皇室性感秘笈。

潮人就職吳漢增（左）升呢做汕頭商會會長，潮州商會會長周振基（右）握手恭賀一番。	前警務處副處長任達榮（左）投身珠寶業多時，愈做愈起勁，旁為任太。	潮屬社團總會主席陳幼南（左）有爸爸陳偉南（右）做榜樣，為總會作貢獻。
中華總商會會董張俊勇（左）媽咪張蘇婷（中）就任做常務會董，與太太陳慧苓（右）齊來打氣。	「零食天王」戴德豐（右二）賞面到賀，榮譽會長黃成林（左一）、副會長林鎮洪（左二）、王文漢（右一）親自招呼。	社交名人周國豐太太黃泳霖，鍾情剪裁細膩嘅內衣。
皇室秘笈英女王御用嘅內衣形象顧問June Kenton（左）駕到，前教育局局長政治助理楊哲安太太張燊悅（右）都要向佢請教「內在美」心得。	名模熊黛林失戀，但無損佢嘅美態。