政情：有相為證：懷「舊」證件套

新政府總部同立法會嘅記者證「互相排斥」，放得太埋會令電腦感應唔到，如果有一個證件套可以放晒啲證件，又可以將證件分開過閘你話幾好呢？我哋最近就見到某特首近身掛住咗一個「兼容性極高」嘅「香港禮賓府」絕版證件套。證件套共有兩個內格，入閘時打開證件套，將證件分開過機，自然唔怕受干擾。唔好睇呢個證件套咁新淨，其實佢係絕版古董，因為已經唔會再出。呢位念舊近身日日都心口掛古董，唔知係掛住邊個呢？