立法會議員梁國雄（長毛）為咗迫使政府盡快設立全民退休保障，就財政預算案撥款進行「拉布」。議員葛珮帆（EQ）尋日發言時話，就算娶老婆包生仔，都唔係今日娶、聽日生，仲話「依家未生到啫，都唔係話以後一定生唔到o架，係咪咁就要要脅佢、困住佢，唔畀飯佢食呢？」意思係將來有機會設立全民退保，叫長毛唔好再拉布搞亂香港。EQ突然將話題扯到生育問題，莫非已婚多年但未有小朋友嘅佢有感而發？不過，長毛事後就反寸話，老婆娶返嚟係愛錫o架，唔係為咗包生仔！
