政情：公民講場：湯顯明不肖送禮跟生肖

前廉政專員湯顯明（貪湯）被揭發在任期間豪花公帑向內地官員獻媚，除擺設豪宴招待內地官員外，在任五年來共花廿二萬元送禮，送禮更係盡顯「心思」。據講貪湯會按受禮者生肖送禮，曾於○七至○八年度送出四千多元嘅虎形花坑石擺設及近二千四百元嘅羊形雕刻擺設，分別送贈予肖虎及肖羊嘅內地高官。估唔到貪湯跟隨內地奉承送禮文化不特止，仲要擦鞋擦到上面，送禮連內地高官嘅生肖考慮埋，真係浪費公帑兼不務正業，連廉署個招牌都整污糟埋。唔怪得有市民鬧佢做到政協都侮辱港人，政協真係藏污納垢嘅機構！