徐國峰父徹夜難眠盼兒歸
【本報訊】「阿仔，唔好收埋自己，報個平安先啦！」廿六歲的公民黨成員徐國峰離奇失蹤逾四日，仍音訊全無。徐父憂心忡忡，夜夜難眠，昨眼泛淚光表示，將給予兒子「無限量支持」，呼籲兒子盡快與家人聯絡。惟徐於失蹤前一日發表「最後網誌」，當中指：「今日好似特別多事發生」，又分享陳奕迅的歌曲《活着多好》，着眾人「不必掛念我」，似暗有所指。
徐父指兒子本周二離家時，將手機放在書桌上的電影《不敗雄心》DVD上。「阿仔好鍾意呢齣戲，內容係講南非前總統曼德拉奮鬥嘅故事……希望阿仔都能夠用鬥志面對一切困難！」徐父在兒子失蹤後夜夜失眠，昨託本報向兒子轉述：「有咩困難都好，唔係盡頭，如果你鍾意可以去澳洲長住，屋企人會畀你無限量支持……唔好收埋自己，報個平安先，最緊要有商有量！」他指警方每日到其寓所檢查兒子的電郵，但無發現。