政情：公民講場：上下鬥貪香港丟晒架

前日發表嘅新一份審計報告，揭發喺前廉政專員湯顯明治下嘅廉政公署多項大花筒行為，包括為咗符合每人食晚飯不得用超過四百五十元酬酢開支嘅限制，將同一餐飯分開主菜同甜品開數，又巧立名目將紅酒開支以「活動宣傳費用」入帳。審計署署長孫德基尋日接受電子傳媒訪問時，開腔批評廉署要檢討有關陋習，另有多名市民致電電台炮轟湯顯明，以及一手委任佢嘅「貪曾」前特首曾蔭權爵士都鍾意「左貪右貪」，上樑不正下樑歪，斷送香港嘅廉潔價值觀，更形容「香港已死」，香港真係畀佢哋搞臭晒，乜架都丟清。