政情：陳淑莊仲掛住做議員
本身係大律師嘅前立法會議員陳淑莊（Tanya），雖然冇做議員已經有一段時間，但佢似乎依然好掛住議員個身份。話說佢早前上庭打官司，望住法官發言時以為自己仲喺立法會，差啲將「多謝法官大人」講成「多謝主席」。Tanya話，好彩佢突然醒起自己當時唔係身處立法會，講咗「主席」個「主」字之後即刻改口講「法官大人」，如果唔係一定會畀人笑到面都黃埋。
工作仍安排頻繁
雖然Tanya冇做議員，但係佢嘅工作仍然安排得密密麻麻，今日佢會先喺黨周年籌款晚宴上表演棟篤笑，四月底再同媽咪去日本北海道旅行兼放假，之後仲會喺六月中舉行佢第二場個人棟篤笑，所以去完旅行之後就要專心去排舞同跑步練氣。
佢講笑話，自己細細個跳過芭蕾舞、中國舞同社交舞，相信今次跳舞表演唔會難得到佢喎。