邋遢智芳街 食署唔執法

店舖阻街不但影響環境,亦對途人構成阻礙。李太指葵芳智芳街一段行人路常被店舖堆放雜物,嚴重影響環境衞生。「條行人路搞到污糟邋遢,一地都係發泡膠盒同竹籮,有時仲有一堆堆垃圾跌喺地,但都唔見食環署嚟執法!」

食物環境衞生署發言人表示,該署一向關注上址的潔淨情況,除每日安排潔淨服務承辦商清掃外,亦不時提醒附近店舖負責人切勿在公眾地方擺放雜物。過去三個月,該署曾就上址有雜物妨礙清掃事宜發出二十九張「移除障礙物通知書」及提出一宗檢控,又稱將繼續監察上址情況及採取適當行動。

「(食環署)發出咁多通知書,但就得嗰一宗檢控,好明顯係執法力度唔夠啦!」葵青區區議員黃潤達認為,要徹底改善問題,食環署便必須加強檢控,透過提高阻嚇力以作打擊。

第一手消息請下載on.cc東方互動iPhone/iPad/Android/Windows Phone Apps