廢腑之言：李漢奸扮「犧牲」好肉麻

港大法律系副教授戴耀廷提出嘅「佔領中環」行動近日成為坊間討論熱點，外號「李漢奸」嘅民主黨創黨主席、本身係資深大律師嘅李柱銘早前接受傳媒訪問，公開表示會參加「佔領中環」行動，又話自己願意被吊銷牌照，要成為行動犧牲下嘅第一被告。民主倒梁力量尋日舉行街頭論壇，綽號「快必」嘅譚得志就批評李柱銘嘅言論偽善。佢話李柱銘退休多年，根本就唔會重新執業，又點會介意被人「釘牌」呢？佢又大鬧李柱銘咁講「有鬼用咩？」仲話聽到佢咁講就標晒冷汗喎。查實李柱銘仲未退休，不過多年來已經盆滿缽滿，當然唔介意為「民主」招牌，扮壯烈「犧牲」。