尖子教失明學生彈鋼琴破隔閡
【本報訊】「視障學生耳朵靈敏，彈奏音樂係我同佢哋嘅共同樂趣！」漢基國際學校學生尹啟軒，運用音樂打破人與人的隔閡，除了在心光盲人學校教授鋼琴和小提琴外，心繫內地貧困鄉村的他，兩年前曾舉行籌款音樂會，籌得七萬元資助兩名清遠貧苦學生完成四年大學課程。尹啟軒昨獲頒尤德爵士紀念基金海外獎學金廿六萬元，計劃到英國劍橋大學攻讀化學，研究治療柏金遜症藥物，繼續造福社會。
尹啟軒自小與外祖父母同住，深深感受到長者病痛纏身的無奈，激起他對化學的興趣，希望研究藥物治療老人疾病︰「婆婆早前患癌去世，今年九十四歲的公公，則患老人癡呆症，唔認得家人。見到佢哋咁樣，令我想長大後研究藥物幫助佢哋！」他去年暑假到上海交流，研究柏金遜症藥物。
獲獎學金將赴劍橋修讀化學
他雖生活無憂，卻不忘關顧身邊有需要的人︰「視障學生唔能夠睇樂譜，於是我捉住佢哋嘅手指，逐個音話畀佢哋知點樣彈，好開心早前有學生成功考取三級鋼琴！」他早前憑優異成績及面試出眾表現，獲劍橋大學有條件取錄，將升讀該校的自然科學學院，日後從事化學研究。
昨亦有殘疾學生獲頒基金獎學金，患過度活躍症的謝樂宜，念幼稚園時需花八小時完成功課，「我串英文生字千百次都唔記得，老師爸媽都以為我懶，我也非常氣餒，覺得自己無藥可救。」至中四才診斷出是患病令專注力無法集中︰「知道唔係自己問題，有種如釋重負嘅感覺！」經過治療及不眠不休的苦讀，她的成績由全級包尾十名，躍至前列，於去年中學文憑試考獲兩科5**佳績，升讀中文大學中國語言及文學系。
尤德爵士紀念基金第廿六屆頒獎禮昨舉行，共頒發六百七十二萬元獎學金予約九百名成績優異的學生，以及表現出色的五名在職人士及兩名學徒。