早幾日下晝四點幾鐘，身兼藥劑師嘅沙田區議員龐愛蘭（Scarlett）現身金鐘太古廣場，見佢身穿長外套、腳踏金色斗零高踭鞋，邊行邊講電話，行到海富中心依然機不離手。期間佢走入一間面積細小嘅時裝店，一手拎電話、一手揀衫，足足揀咗十幾分鐘先至離開，但走嘅時候仲未收線，煲到粥都幾乎燶埋。唔知電話嘅另一邊係咩人呢？點解同Scarlett咁好傾？不過，建議佢下次都係用免提聽筒好啲，唔使拎手機拎到手軟嘛！
