政情：廢腑之言：「金髮局」研金融發展
唔知財政司司長曾俊華（鬍鬚曾）係咪自知財政預算案太廢同無料到。
尋日出席商界午餐會時想盡辦法包裝預算案，呢頭話即將開鑼嘅國際七人欖球賽明快嘅節奏同刺激嘅氣氛可體現出香港精神，嗰頭又拉埋電影《帝國驕雄》落水，引經典對白話政府做事要顧及長遠影響。
咁都未夠，鬍鬚曾仲話要創造「新興產業英雄」，以及用盡既有優勢，強化四大支柱，所以就成立咗「金髮局（Blonde Council）」（金融發展局）研究金融業發展嘅新方向添！睇嚟鬍鬚曾搞爛gag已經去到出神入化嘅地步，完全唔使理大家嘅感受！