【本報訊】彭熾輝生前與娛樂圈關係密切，曾多次邀請歌星藝人出席公司活動，可追溯至二○○三年。消息指，當年彭以獨立投資者身份，認購一間上市公司五千萬股新股，結識與娛樂事業有關的生意人，從而令彭的關係網擴至娛樂圈，在公司舉行周年晚會及春茗等活動時，每每能邀請當紅藝人出席表演助興。而圈中人認為彭健談及親切，對彭遇害均感震驚及惋惜。
本年一月中，彭在廣東省陽春市投資的豪宅樓盤舉行動土儀式，請來「視帝」黎耀祥及徐子珊擔任嘉賓。黎耀祥昨日接受本報訪問時，坦言：「我本身唔認識佢，但就喺活動見過佢，印象中佢好健談，都好主動同人傾偈，所以我睇到新聞時都感到好震驚同可惜。」對會否覺得近日新聞好殘暴，他指「係，好暴戾，睇見都打個突。」
彭的公司每年舉行周年晚會及春茗，均邀請娛樂圈人士擔任嘉賓，更會與他們合唱助興，曾出席的藝人包括謝天華、陳法拉、楊怡、鄧梓峰、陳錦鴻、金剛及田蕊妮等等。曾與彭合照的楊怡說：「之前我喺春茗活動上見過佢一次，佢都好nice、好好傾，佢仲有派利是畀我同現場嘅人，（最近新聞都好得人驚？）大家情緒上要控制好啲，應該冷靜啲，唔好咁衝動，香港人真係要適當減壓。」
另外，賭王何鴻燊四太梁安琪，對於其擔任董事的公司持有的單位發生雙屍命案，昨日梁安琪對事件表示無可奉告，她說：「無可奉告，唔知點算，煮到嚟就食，做人係咁。」