政情：公民講場：周一鑊八年劣迹難洗底

外號「周一鑊」嘅食物及衞生局前局長周一嶽，八年任內劣迹斑斑，在公方面包括懶理雙非問題令大批本地孕婦唔夠床位生仔、漠視公營醫院人手不足變相勞役班醫護人員等，在私方面又視法律為無物，遲遲唔肯清拆佢大宅內嘅僭建物，但政府居然仲委任佢做平等機會委員會主席，再禍害香港多三年。周一鑊尋日喺記者會上死撐，話改變唔到自己過去嘅履歷同背景，希望四月一日起大家只記住佢係平機會主席，而唔再係醫生或者局長喎。不過，周一鑊過去做過咁多衰嘢，邊有咁易洗底被人忘記吖，而佢上任嗰日仲咁啱係愚人節，真係同全港市民開玩笑囉！