蔡加敏拍檔手機直擊竊案
蔡加敏（Carmen）昨晨接獲姑仔兼生意拍檔馬慧敏通知店舖遭爆竊，她感到震驚：「我嚇咗一跳！估唔到啲賊咁猖狂，連地舖都敢打爆玻璃搶嘢！」她慶幸警方及時擒獲賊人，並起回贓物。Carmen說，開店五年，未發生過爆竊，現時手袋要做證物，擔心短期內未能做生意。而馬慧敏（Mary）指事發時接獲保安公司通知，指店警鐘響及已報警，隨即透過手機Apps觀看店內閉路電視，結果直擊四個人影在店內「閃吓閃吓」，她指賊人好識貨，專偷特別版手袋，她打算立即由歐洲補貨。
Mary說，點算後發現近八成貨物被盜，「賊人好識貨，知道市場需求，偷晒啲特別版，全部係我哋專程從歐洲取貨，好多款連香港專門店都無得賣。」該店全港有六間分店，她指九龍區分店曾被偷去數個手袋，損失約卅萬。Mary說，店內有閉路電視，又有警鐘，閘門亦有三個鎖，認為防盜措施足夠，料不到仍被爆竊，「但警方話班賊好專業！」
「扮靚精」興趣變事業
蔡加敏母親蔡李惠莉表示，她間中也會捧女兒場到店幫襯，「佢哋好多特別款，一有新款囡囡就會叫我去睇，有時同朋友一齊去。」蔡太說：「今次真係好好彩，捉到賊又起番啲袋，唔係真係唔知點算。」現時打理名錶生意的蔡加敏胞弟蔡加讚則說，昨日與姊交流店舖防盜事宜，「我建議家姐好似我哋咁，收舖將啲貨收晒入夾萬，不過家姐話有難處，因為手袋體積大，舖頭空間細，所以要再諗吓。」他笑稱，平日沒留意女士的手袋「原來咁貴！」
Carmen曾自言是「扮靚精」，每季都花很多錢買靚袋，○八年將興趣變為事業，夥拍姑仔Mary開舖，專賣名牌袋，並安排買手到歐洲直接入特別版和限量款式。其中鎮店的Hermes Birkin Bag大受歡迎，該款手袋有「袋中之王」之稱，由人手縫製且有工匠編號，加上其皮質優良並滲出獨特香味，中外名人如姬摩絲、張曼玉、王菲等都是支持者，每季出新款，本港名媛淑女都會出盡法寶搶購。
本報記者