「喺正條街度賭魚蝦蟹，真係完全無王管，我仲親眼見佢哋講唔掂數郁手打交添！」林先生居於深水埗鴨寮街，指附近常有人公然在街邊開賭，招攬途人聚賭，不但造成阻塞，更引發治安問題。
警方發言人證實，近日接獲最少七宗相關投訴，警方接報後已派員巡查，惟並未有發現違規行為。發言人重申，根據法例，任何人如在任何街道上非法賭博即屬犯罪，首次定罪可被判處罰款十萬元及監禁六個月。
「收到咁多次舉報都拉唔到人，警察就要檢討下，事先部署得好啲先行動！」林先生不滿警方執法不力，令社區內賭檔橫行，要求盡快研究可行方案取締違法行為。