渡海濠情：慾火難忍偷歡過癮

咪亂咁嚟

小美：用人哋餵奶嘅地方曳曳梗係唔啱啦！因為BB仔肚餓唔等得，唔通叫媽咪周街餵哺母乳咩？如果真係慾火焚身嘅話，不如拿拿聲去酒店爆房好過，呢種做法確係唔要得呀！

Anna：雖然你（小美）咁講都啱，但話又講番轉頭，點解啲人會喺旅遊熱點嘅哺乳室偷歡呢？好明顯原因係佢哋拍拍吓拖，身體接觸多咗又傾到情投意合，搵酒店爆房都冇時間，惟有將就吓求其搵間房嚟曳曳。

小美：拍拖去旅行又真係好易打得火熱，尤其係去外地旅遊，世界好似得你兩個人咁，確係易啲擦出火花，上到床時玩得更係放啲。如果遇到個地方夠羅曼蒂克嘅話，確係有想曳曳嘅衝動。

Anna：聽你咁講，應該試過唔少次。其實如果畀我揀，我都鍾意同男友齊齊去旅行，事關去到異地，心情會靚啲而壓力又冇晒，曳曳起嚟確係零舍疏肝。

Anna最鍾意夜晚喺後花園同男友共赴巫山。	小美唔希望因為曳曳而影響到其他人。	小美聽到姊妹話喺酒吧廁所曳曳，搞到有啲心郁。

踩界地方

小美：不過話說回來，如果喺公眾地方度曳曳又真係幾吸引人。理由係會有種被撞破嘅刺激，呢種偷情嘅快感確係令人着迷，故此難怪有人會揀喺哺乳室偷歡。唔知你（Anna）有冇試過咁玩呢？

Anna：你做乜咁問我喎！你咁問我唔通你試過？如果喺公眾地方嘅話，我真係冇試過，只係踩界嘅地方我卻玩過唔少。

小美：乜嘢叫做踩界嘅地方呀？

Anna：即係露台、天台同後花園呢啲地方囉！雖然佢係屬於私人地方，但有機會畀其他人睇到嘛！喺呢啲試過嘅地方中，我最鍾意喺後花園度曳曳，因為佢夠自由又夠開揚，只係我一定要夜晚先至會咁玩，貪佢冇咁張揚嘛！

小美：我真係唔夠膽咁玩。不過我有次聽到有個姊妹講，佢試過喺酒吧嘅廁所度同男友曳曳，雖然地方好逼，但係勝在可以玩得盡興，兼且由於酒吧音樂勁大聲，佢叫到拆天都唔驚人哋聽到，我都好想試吓。

Anna Profile

身高：5呎2吋

三圍：34、24、34

小美 Profile

身高：5呎3吋

三圍：33、22、33

撰文：魂

攝影：生