人口約一千萬卻有性工作者三十萬的廣東省東莞市，據悉為了洗走「性都」、「血汗工廠」、「東方斯巴達」這些惡名，近日斥巨資製作宣傳短片，推出的兩條形象宣傳廣告均長約一分鐘，當中分為「人文篇」和「企業篇」。
宣傳短片把東莞拍得詩情畫意，有傳統園林、山光水色、繽紛街景，清純漂亮的女主角穿梭在各種場景，最後一句台詞是「東莞，每天綻放新精彩。」去過東莞才知自己身體好的男人，相信必然會心微笑，老朽不相信兩分鐘的宣傳片，就能夠改變男人一路向西──係去東莞領略文化、欣賞東莞湖光山色不為人知嘅一面！
其實，有比較係好事？美容廣告最叻係「整容前、整容後」互相對比，「整容前」係一個不折不扣嘅「黃面婆」，油蠟蠟多皺紋，「整容後」立刻變成甜蜜蜜嘅明星Look，皮膚水靈反光到曱甴都爬唔到上去，簡直殺死人！朋友，你真係信？若然，下次老朽去東莞，就唔使話畀人聽去東京咯！
之不過，東莞求洗底嘅宣傳片是否真係有用？呢，最近武漢市，據講又好似想像東莞一樣，爭個好名聲，有網友發現，市內拆遷時的那個「拆」字，如今改成了「搬」，你話咁改一改，被「搬」的人條氣就會順啲，社會嘅戾氣就會「和諧」些？
這年頭，幸好有比較，即使實質改變唔到乜嘢，心裏卻會覺得踏實些！不是嗎？有人說，這年頭談起秦檜和珅都不覺得邪惡了，因為他們沒把財產轉移到國外，和現在的裸官相比太小兒科了！又譬如說，這年頭論起西門大官人，也不覺得卑鄙無恥了，因為畢竟他玩弄的是成年女性，還沒有墮落成嫖宿幼女的強姦犯！真要有比較，東莞，老朽相信她每天綻放新精彩！十五十六，一年唔去十次八次唔舒服！