新聞故事：漂書漂唱片 洋溢書卷氣
聽故事「未夠喉」？「故事地攤」旁邊亦有「漂書」和「漂唱片」地攤，整片草地洋溢着淡雅書卷味，伴隨着悠揚的結他聲。
在「漂書地攤」，途人可隨意拿起書「打書釘」，攤主Ivy更希望途人「以書換書」，「閱讀係心靈補足，我唔介意你拎走本書，但港人偏偏面皮好薄，介意其他人點睇而唔敢拎，連『免費午餐』都唔食！」她在台灣旅行時萌生漂書這念頭，也曾在台灣擺地攤賣故事卡，以「一卡換一故事」，她指着其中一本作家也斯的書說，「有次去咗台灣一間二手書店發現呢本書，好鍾意，我向老闆娘講咗一個古仔換本書返嚟，佢對我嘅意義好大。」Ivy滿足地把書抱入懷，就這樣「漂」了一個故事。
不擔心有借無還
「好嘢，你嚟喇！」「漂唱片」地攤傳來陣陣掌聲，歡迎上次漂走了唱片的人返地攤歸還。攤主陳車指地攤運作似「流動圖書館」，但不會為租借設期限，她亦不擔心有人有借無還，「我對佢哋有信心，一個熱愛音樂嘅人，喜歡分享！」